Մեր մասին
YES – Երիտասարդության հզորացում և կայունություն (ԵՀԿ) ոչ-կառավարական կազմակերպության հիմնական նպատակն է հզորացնել տարբեր երկրների երիտասարդներին` առաջնային ուշադրության կենտրոնում պահելով Հայաստանի երիտասարդությանը: ԵՀԿ-ն հիմնվել է 2015-ի թվականի օգոստոսին` Հայաստանում և հիմնադրման առաջին իսկ օրվանից անձնական և մասնագիտական զարգացման և աճի հնարավորություններ ստեղծել բոլոր երիտասարդների համար, ինչպես նաև նպաստել նրանց կրթությանը և գիտելիքի ձեռք բերմանը` աշխարհի համար արժանի քաղաքացիների դառնալու համար:
YES-ի ամբողջ թիմը մեծ նվիրումով աշխատում է և ոգեշնչում երիտասարդներին, որպեսզի իրենք էլ իրենց հերթին կառուցեն իրենց ապագան` հոգ տանելով շրջակա միջավայրի և իրենց համայնքների համար: Իր գործունեության 6 տարիների ընթացքում YES-ի թիմը մասնակցել է 7 միջազգային ծրագրերում, որոնք իրականացվել են ԱՄՆ-ում, Մեծ Բրիտանիայում, Սլովակիայում, Իսրայելում և Գերմանիայում: YES Armenia-ն նաև իրականացրել է 11 ծրագիր ազգային մակարդակով` ամբողջ Հայաստանի տարածքում: Ավելի քան 1200 աղջիկներ և տղաներ մասնակցել են վերապատրաստումների, ինքնազարգացման դասընթացների, համայնքային ծրագրերի, ինչպես նաև ֆոնդահայթայթման նախաձեռնությունների շնորհիվ իրականացրել են իրենց երազանքները: Ֆոնդահայթայթման մեր նախաձեռնությունների հիմնական նպատակն է վերացնել աղքատությունը և հավասար հնարավորություններ ստեղծել բոլոր երիտասարդների համար` անկախ նրանց սոցիալական կարգավիճակից և բնակության վայրից: Ի լրումն բազում զարգացման ծրագրերի, YES-ն շատ արագ արձագանքում է նաև արտակարգ իրավիճակներին և մարդասիրական օգնություն տրամադրում այն ընտանիքներին և անհատներին, ովքեր առավելապես տուժել COVID-19 համաշխարհային համավարակից և Արցախյան պատերազմի ընթացքում:
YES-ում մենք համոզված ենք, որ հենց երիտասարդությունն է հանդիսանում այն շարժիչ ուժը, որը կարող է դրական փոփոխություններ բերել ամբողջ աշխարհում և, այդ իսկ պատճառով, մենք առավելագույնս աջակցում ենք այն բոլոր նախաձեռնություններին, որոնք բարեփոխումներ են բերում երիտասարդության համար և իրենց համայնքներում: Իրագործված ծրագրերը շատ բազմազան են` սկսած զարգացման ծրագրերից, որոնք սոցիալական փոփոխություններ են բերում համայնքներում մինչև փոքր աջակցության ծրագրերը, որոնք ամբողջովին կազմակերպվում և իրականացվում են երիտասադների կողմից: Հաճախ, ԵՀԿ-ի կամավորն են կազմակերպում նման ծրագրեր, որոնց շրջանակում օգնում են սոցիալապես ծանր վիճակում գտնվող ընտանիքներին` Հայաստանում և նույնիսկ Հայաստանից դուրս:
ԵՀԿ-ի թիմը, կամավորները, ծրագրի մասնակիցները և ծրագրերի շրջանվարտները միասին կարևորել են 7 նպատակները (Աղքատության վերացում, Զրոյական սով, Որակյալ կրթություն, Գենդերային հավասարություն, Մաքուր ջուր և սանիտարական պայմաններ, Գործողություն հանուն կլիմայի և Գործընկերություններ հանուն նպատակների):
Բոլորս միասին` մենք Հայաստանում, մեր գործընկերը տարբեր երկրներում և բոլոր նրանք, ովքեր արժեվորում են Կայուն զարգացման նպատակները, առաջ ենք շարժվում` իրագործելու այն բոլոր փոփոխությունները, որոնք անհրաժեշտ են իրականացնել մինչև 2030-ը:
ԵՀԿ-ն կրթվելու և զարգալանու մի ամբողջ աշխարհ հնարավորություններ է տալիս բոլոր երիտասարդենրին
Մեր արժեքները նպաստում են ՄԱԿ-ի Կայուն զարգացման նպատակներին (ԿԶՆ)
Think Big. Act Bigger!
WATER and SANITATION
Take immediate actions to combat climate change and its impacts.
Վերջին հրապարակումները
YES-ում մենք համոզված ենք, որ միասին կարող ենք իրականացնել այն փոփոխությունները, որոնք ցանկանում ենք տեսնել մեր համայքներում և ամբողջ աշխարհում:
Ամանորյա ջերմություն, 2018
Ճիշտ ժամանակն է Ամանորյա ջերմությունը կիսելու: Ամեն Ամանոր ԵՀԿ-ն տոնական տրամադրություն և ջերմություն է բերում Հայաստանի գյուղեր: Շնորհիվ մեր սերտ համագործակցության Տավուշի մարզի համայնքների հետ, մենք գիտենք Այգեպարի, Այգեձորի, Մովսեսի և Չինարի գյուղէրի բոլոր երեխաներին: Այս գյուղերը պարբերաբար տուժում են հարևան երկրի ագրեսիայից և գյուղերի դպրոցները, տները և մանկապարտեժները հայտնվում են կրակոցների տակ: Անկախ նրանից, որ տարբեր մակարդակներով այս գյուղերը աջակցությունե ն ստանում, այնուամենայնիվ երեխաները ունեն հատուկ ուշադրության կարիք: Այդ իսկ պատճառով էլ մենք նախաձեռնել ենք Ամանորյա ջերմություն ծրագիրը:
